علاء الدين ظاهر
كشفت الدكتورة مونيكا حنا عميد كلية الآثار والتراث الحضاري بالأكاديمية العرببة للعلوم والتكنولوجيا والنقل البحري في أسوان عن نصيحتها لأي امرأة مصرية كي تصبح ناجحة مثلها.
جاء ذلك بعد حصولها علي جائزة أكثر إمرأة تأثيرا ضمن 50 إمرأة مؤثرة في مصر،حيث قامت الدكتورة مونيكا بتأسيس برنامج متخصص في الآثار والتراث الثقافي بثمانية أقسام لمرحلة البكالوريوس.
وعن نصيحتها لأي امرأة مصرية لتصبح ناجحة مثلها:تشتغل، وتذاكر، ومايهمهاش التنمر الجندري اللي للأسف موجود لسة في ثقافة العمل في مصر في اماكن مختلفة.
وفي حفل التكريم تم امضاء بروتوكول للعمل على وقف هذا التنمر والتمييز اللي الستات بتتعرض ليه في اماكن مختلفة. الموضوع صعب، وانا شخصياً اتعرضت ليه، ولكن خلف كل ست ناجحة، في قبيلة ستات واقفة في ظهرها، وده اللي دايماً بيساعدني، وبعمله مع الستات التانية،لازم كلنا نشكل دعم لبعض كستات قدام التمييز.
وعن مستقبل وواقع الآثار والتراث في مصر،قالت:الحقيقة المستقبل محتاج شغل كتير قوي ورؤية واستراتيجية واضحة تتخذ بمشاركة اكاديمية ومجتمعية.
وعن كلية الآثار والتراث الثقافي والأكاديمية العربية للعلوم والتكنولوجيا والنقل البحري،قالت:الفضل في انشائها هو الأستاذ الدكتور اسماعيل عبد الغفار واحنا بنأمل ان المجتمع كله يشاركنا رؤية حماية وادارة واستدامة التراث المصري، من خلال تكوين كوادر متعلمة تعليم على مستوى دولي وده اللي بتعمله الاكاديمية في صعيد مصر في فرع الاكاديمية في جنوب الوادي.
تعليقات
إرسال تعليق